போகப்போக புரியும்!

மமதையாய் சிரிக்கிறாயோ?

வெற்றியென நீ நினைத்து.

தடுத்துவிட நான் பார்த்தேன் 

தாண்டி நீயும் குதித்து விட்டாய். -எனை 

காதலிப்பதாய் நடித்துக் கொண்டே 

கவிழ்த்தாயே அவளைத்தான். 

அவளறியா  பருவத்திலே 

அண்டிக் கொண்டதே அந்நோயும் தான்.

அவள் திறந்த வாயைத்தான் 

மூடி விட்டாய் உன் வாயால் தான். 

உணர்வுகளைத் தூண்டி விட்டு 

பெற்றுக் கொண்டே பாவத்தினை.

உள்ளிருந்த கிருமிகளோ 

உன்னை தொடர்ந்து பிடித்துக் கொள்ள,

உறக்கமது தொலையுமே 

நினைவுகளின் அலையாலே.

உன் ஆணவமும் திரும்பிப் பார்க்கும் 

தூரமொன்றும் அதிகமில்லை.

மேலுள்ள உன் தலையோ 

குனிய போகிறது, புவிப் பார்க்க.

கெஞ்சத்தான் போகிறாய் 

கேள்விகளால் எனைத் துளைத்து

காலம் சிறிது போகட்டும் 

புரியும் உனக்கு என் முடிவு..

அறியும் நிலை வரும்போது 

அற்று விடும் என் தொடர்பு. 

#எயிட்ஸை தவிர்ப்போம்.

உடலைக் காப்போம்.

#உலக எயிட்ஸ் தின விழாவிற்கு மட்டும் விழிப்புணர்வு செய்ய வேண்டுமென்பது இல்லையே?