மனதினிலே உறுதிக் கொண்டு!!!

சோபனா பிறந்தநாள் வாழ்த்து - 2009.
நித்தம் நித்தம் எண்ணமயம்.
நினைவெல்லாம் உந்தன் வசம்.
நினைவுகளெல்லாம் வாழ்த்துகளாய்
உனைச் சுற்றி பறக்குது இன்று.
கழிந்தது வருடம் ஒன்று.
கூடியது வயது ஒன்று.
கற்றக் கல்வியை அள்ளிக் கொண்டு,
அனுபவத்தை துணைக் கொண்டு,
மனதினிலே உறுதிக் கொண்டு,
நினைவுகளில் நிறுத்திக் கொண்டு,
வெற்றியெனும் ஒளிவெள்ளம்
ஒளி கீற்றாய் முன் விரிய,
அழுத்தமான உன் நடையால்,
புகழ் மகுடம் நீ அடைய,
கரடு முரடு வழியையெல்லாம்
மென்பஞ்சு பாதையாகி,
வெற்றி நடையை துவக்கி வை.
முதல் படியில் துணிந்து வை.
தயக்கத்தை தகர்த்து விடு
தாமதமின்றி துவக்கி விடு.
இன்றே முதலாய் இருக்கட்டும்,
இனிதாய் என்றுமே நடக்கட்டுமென
இனிய உன் பிறந்த நாளில் அன்புடன்
வாழ்த்தும்,
அப்பா, அம்மா, அக்கா.

பின்குறிப்பு: சிறிது காலதாமதமாக பதிவு போடப்பட்டது.

வெற்றியென சொல்லட்டும் !!!

பிறந்தநாள் வாழ்த்து - 2009
நிரஞ்சனாவுக்கு.

செய்கின்ற செயல்களெல்லாம்
செம்மையாய் துலங்கட்டும்.
வைக்கின்ற அடிகளெல்லாம்
வெற்றியென சொல்லட்டும்.
பேரும் புகழும்
பட்டொளி வீசட்டும்.
ஏக்கங்களெல்லாம்
தெலைந்தே போகட்டும்.
பிறந்த இந்நாள் முதலே
மனம் நிறைவாய் இருக்கட்டும்.
மனத்திலுள்ள வாழ்த்துகளெல்லாம்
வார்த்தைகளில் இல்லையம்மா.
சுமைகளாய் இருப்பது
உம்மை விட்டு அகல,
விருப்பங்கள் எல்லாம்
விரைந்தே அடைய,
வினையறுக்கும் இறைவன்
வரங்களை அருள,
கருணை கண்களை
உனை நோக்கி திருப்ப,
வேண்டியிருப்போம்
இறைவனை யாமே.

வாழ்த்துகளை பகரும்,
அப்பா,அம்மா,
தங்கை ஷோபனா.

பின்குறிப்பு: மிகவும் காலதாமதமாக இதில் பதிவு போடப்பட்டுள்ளது.