குழந்தைகளுக்கான சிறு கவிதைகள்.

லட்டுகள் 

குட்டி குட்டி லட்டுகள் 

குவிந்திருக்குது இங்கே/ அங்கே 

கும்மாளமிட்டு குழந்தைகள் 

குதிக்குதே மகிழ்விலே.

========================

மகிழ்விலே 

அளவில்லா மகிழ்விலே 

ஆடிப்பாடும் நிலையிலே 

அன்றைய பொழுது துவங்கவே 

அற்புதமாய் செயல்களோ 

அதிவிரைவாய் முடிந்ததே.

============================

நாங்கள் 

பள்ளியிலே நாங்கள்,

பாடங்களைக் கற்ப்போம்.

பகுத்தறிந்து செயல்களை 

பக்குவமாய் முடிப்போம்.

பல்கலைகள் பயின்று 

பண்பாய் நாங்கள் வளர்வோம் 

பாரதத்தின் பெருமையை 

பரவ செய்வோம் எங்குமே.

========================

#வருங்கால தலைமுறைகளான இன்றைய குழந்தைகளுக்கு, ஆரம்ப நிலையிலேயே நல்ல கருத்துக்களையும், எண்ணங்களையும் பதிய, தமிழ் நிலைக்க  செய்ய வேண்டிய கால கட்டத்தில் இருக்கிறோம். உங்கள் மற்றும் அக்கம்பக்கத்துக் குழந்தைகளுக்கும் சொல்லிக் கொடுத்து உற்சாகப்படுத்துங்களேன்.