எங்கேயோ நாடகம்
இங்கே கூட்டம்
வானத்தில் மேகங்கள்.
---------------------------------------------
வானத்தையும் வளைத்து
கூடாரம் போட்டது
''மேகம்''
--------------------------------------------
மகிழ்ச்சியா?
துக்கமா?
தெரியாமல் பொழிகிறது
''மழை''
-------------------------------------------------
வீதியில் மழை
குழந்தைகளுக்கு
சிறைச் சாலையாய்
''சன்னல்கள்''
-------------------------------------------
திரைச்சீலை இல்லாமலே
ஒவியம் வரைகிறது
''மின்னல்கள்''
-------------------------------------
நடனம் கற்காமலே
நாட்டியமாடுகிறது
''மின்னல்கள்''
---------------------------------------
ஒலிப்பெருக்கி
இல்லாமலே
கர்ஜிக்கிறது
''இடி''
------------------------------------
தந்தி அடிப்பதை
மறக்கவில்லை
''பற்கள்''
-------------------------------------------------
குளிரும்
காய்கிறது
''தீசூவாலையில்''
-------------------------------------------------------
அடுப்பிலிட்ட
சட்டியும் நடுங்குகிறது
''குளிரால்''
-----------------------------------------------
ஒப்பனை செய்து
அழகு பார்த்தது.
''வானவில்''
--------------------------------------------
இடைக் காட்டாமலே
வளைந்தது காட்டியது
''வானவில்''
------------------------------------------
வானத்திலிருந்து
ஒரு சறுக்கு பாதை
''வானவில்''
----------------------------------------------
மழைக்கு பின் தோன்றும்
ஓர் அழகிய தோரணம்
''வானவில்''
----------------------------------------------
நெசவாளி நெய்யாத
ஒரு அற்புத ஆடை
''வானவில்''
------------------------------------------
மிக்க மகிழ்வுடன் இனிய நாள் வாழ்த்துக்கள் நண்பர்களே.
No comments:
Post a Comment