எங்கெங்கும் உன் பிம்பங்கள்
விழியசைவில் மறைகிறது
உடமைகள் யாவும் உன் ஏக்கத்தில்
அக்கவலையற்று போனதெங்கே?
விழி கூறும் செய்திகள் அற்று போக,
வின்னோக்கி இருக்கிறேன் திரும்புதல் காண,
விட்டமும் சட்டமும் உன் உழைப்பினைக் காட்ட,
அத்தனையும் விட்டு நீ போனதெங்கே?
சோற்றுக்கைகள் காய்ந்தபடி இருக்க,
மனத்தின் நினைவுகள் உன்னுடன் உலாவ,
ஏக்க மூச்சுகள் பெரிதாய் ஒலிக்க,
இத்தனையும் செய்ய விட்டு போனதெங்கே?
அதிர்ச்சி கொடுப்பாய் மறைந்து நின்று,
அதிர்ச்சி கொடுத்தாய் நிரந்தரமாய் இன்று.
அறிந்து நான் உறைந்து நிற்க,
அது பொய்யென கூறாமல் போனதெங்கே?
No comments:
Post a Comment