போனதெங்கே - 4

நீ ருசித்த உணவுகள்

என் நாக்கு மறந்தாலும்

நினைவோடு செய்கின்றேன்

சுவைக்க மறந்து போனதெங்கே?

உன் உணவு தட்டுகளில்

ஈ, எறும்புகள் மொய்த்திருக்க

தயங்குகிறேன் தட்டகற்ற

சேப்பாமல் இடையிலே போனதெங்கே?

உறக்கத்தை நான் மறந்தேன்

உறக்கத்தில் நீ விரைந்தாய்

அவசரமாய் யார் அழைத்தார்

அவருடன் போனதெங்கே?

குடும்பத்தின் நலனுக்காய்

ஆண்டுகள் சில நூறு கேட்டு நீயும், வாழத்தான் கூடாதோ?

எமை சோதித்து போனதெங்கே?