வார்த்தைகளைப் புரிந்துக் கொள்வோம்

துணிந்தவனுக்கு துக்கமில்லை
துவண்டவனுக்கோ தூக்கமில்லை.
இது அறியாத சொல்லில்லை
பற்றிக் கொண்டால் அழிவில்லை.

சொல்லும் தகுதியோ எமக்கில்லை.
சொல்லாமல் இருக்க முடியவில்லை.
பங்கு பெறுவதில் தொல்லையில்லை.
ஆறுதலுக்கு என்றும்  எல்லையில்லை.

வாழ்விலே எதுவுமே நிலையில்லை,
ஏக்கத்தினால் அமைதி அடைவதியில்லை.
அன்பும் பாசமும் வாழ்வின் எல்லை,
அறிந்துக்கொள்ள மறுத்தால் வார்த்தையில்லை.

குறையில்லா மனிதர் உலகிலில்லை
உணர்ந்தவருக்கு மாற்றோர் நிகரில்லை.
அனுபவித்த வாழ்வே உண்மைநிலை.
அறிந்துக் கொள்வதே வாழ்வின் உயர்நிலை

இதயமது இயங்கும் வரை உயிரது பிரிவதில்லை.

உயிரற்றுப் போன பின்னே உறவது தொடரவதில்லை.

இல்லையென்பது இனியில்லை.
கண்ணீருக்கு இனி வழியில்லை.

நம் குறையெண்ணிக் குமையாமல் 

நிறை நினைத்து திலைத்திடுவோம்.

இனி முடிவதை செவிமடுப்போம் 

அம்முடிவிற்கு உயிர் கொடுப்போம்.

இறைவனால் படைக்கப் பட்டோம்.

இருக்கும் வரை வாழ்ந்திடுவோம்.
இன்பத்தில் தோய்ந்த நாட்களை
இனி தொடர்ந்தே நினைத்திருப்போம்.

'இதுவும் கடந்து போகும்,
இன்னுமும் கடந்து போகும் "
வார்த்தைகளைப் புரிந்துக் கொள்வோம்.
வாழ்வை அமைதியாய் கழித்து செல்வோம்.