விசமான எண்ணங்கள்.

*வரண்டிருந்த இடங்களெல்லாம்

வளமாக மாறிடவே,

வருங்கால சந்ததியர்

நலமாக வாழ்ந்திடவே

வேறுபாடு நினைக்காமல்

வெட்டினர் குளங்களை

வேட்கை தீர அருந்திடவே.

*விசாலமான எண்ணங்களால் - அன்றே

விவேகமாக கட்டி வைத்தார் குளங்களை.

விசமான எண்ணங்கொண்டு - இன்றோ

செய்கின்றார் கெடுதல்களை.

*குளங்களாய் இருந்த இடம்

குட்டைகளாய் ஆனதே.

நன்னீராய் இருந்ததும்

கழிவுநீராய் போனதே.

* குன்றிருந்த இடங்களையும்

குண்டு வைத்து தகர்கிறான்.

குளம் இருந்த இடங்களையும்

குப்பைப் போட்டு நிரப்புகிறான்.

*காட்டிலிருந்த மரங்களை

கண்டபடி வெட்டுகிறான்.

காட்டுவிலங்கு அத்தனையும்

கண்மூடி அழிக்கிறான்.

*இயற்கையாய் இருப்பதெல்லாம்

இல்லாமல் செய்வதாலே,

செயற்கையாய் படைப்பதெல்லாம்

செயலிழந்து போகுதே ( போகுமே).