ஒருதலை காதல்

உன் சொற்களில் சுவையிருக்கும்

செயல்களில் அழகிருக்கும் – உன்னிலே

இயற்கையின் மணமிருக்கும் – அத்துடன்  

அருகாமை ஒரு சுகம் கொடுக்கும்

உனை நேசித்தது(ப்பது)

தவறென உணர்ந்தாலும்,

விடுபட மனதுக்கு, ஏனோ  

விருப்பமில்லை.

காலங்கள் கடந்தாலும்

உருவங்கள் சிதைந்தாலும்

என் நினைவுகளில்

மாற்றமது இருக்காது.

என்றேனும், எங்கேனும்  

ஒருதலை காதலை கேட்டாலே

நினைத்துக் கொள்வாய்

நீயுமெனை.