இந்திய திரு நாட்டின் இனிய சுதந்திர தின நல்வாழ்த்துக்கள் 2015

திட்டங்கள் முடிவின்றி

செயல்களில் வெற்றியில்லை.

ஒரு உரு கொடுக்கும்

காலந்தனை உணர்ந்தால்,

மனமது ஒப்பாது – நொடி

ஒன்றில் அழிக்க.

சிந்திய ரத்தங்கள் அளவுண்டா?

சிறைப்பட்ட காலத்திற்கு மீள்வுண்டா?

அடிப்பட்ட உடல்கள் (உயிர்கள்) கணக்குண்டா?

உயிர் தந்த உத்தமர்கள் எத்தனையோ!

அத்தனையும் உனக்கென நீ உணர்ந்தால்

உறுதியைக் கொள்வாய் உயர்வினை நோக்கி.

அகிலம் போற்றும் நிலையடைய,

இந்திய திருநாட்டு புகழது ஓங்க  

அக்னி பறவையாய் நீ திகழ்ந்து

கனவுகள் காண்பாய் விழிப்பாக.

#ஒரு தாய் மக்களென திகழும் இந்திய திருநாட்டின் உள்ளங்கள், உயிர்கள் அனைவருக்கும் இனிய சுதந்திர தின நல்வாழ்த்துக்கள்.

சுதந்திரமாம் சுதந்திரம் - இனிய சுதந்திர தின நல்வாழ்த்துக்கள்

சுதந்திரமாம் சுதந்திரம் 

எல்லாவற்றிலும் சுதந்திரம் 

கட்டுபாடில்லா சுதந்திரம் 

கரைப்புரளும் சுதந்திரம் 

அருமையான சுதந்திரம் 

ஆனந்தத்தில் சுதந்திரம் 

ஆடிப்பாடும் சுதந்திரம் 

வாழ்வில் இந்த சுதந்திரம் 

நிலைப்பதோ நம் கைகளில் 

பழுதில்லா சுதந்திரம் 

பாரதத்தாயின் கைகளில், 

என்றுமிந்த சுதந்திரம் 

ஏந்திக் கொண்டிருக்கவே,

உழைக்க வேண்டும் அனைவரும் 

உறுதிக் கொண்ட முனைப்பிலே.

பங்கு போடும் நினைவுகளால் 

பாழ்படும் சுதந்திரம், 

கொள்ள வேண்டும் நினைவிலே 

நிலைத்திருக்க சுதந்திரம் 

ஒன்றிணையும் கைகளால் 

ஓங்கி வளரும் சுதந்திரம் 

புரிந்துக் கொண்டு செயல்படுவோம் 

உரிமையுடன்  வாழ்ந்திட.

பிரார்த்திப்போம் இறைவனை 

காக்கும் எண்ணம் நிலைக்கவே.

உலகெங்கிலும் உள்ள அனைத்து இந்திய மக்களுக்கும், நேற்றுக் கொண்டாடிய, நாளைக் கொண்டாடவிருக்கும் இதர நாட்டு மக்களுக்கும் இனிய சுதந்திர தின நல்வாழ்த்துக்கள் 

உங்கள் அனைவரின் இல்லங்களிலும் சந்தோஷம், சத்யம், உறுதி நிலைக்கட்டும். வாழிய நலனே. ஜெய் ஹிந்த்.